La Xunta trabaja en la promoción de la salud mental en la adolescencia con una nueva jornada formativa para los centros escolares
A directora xeral de Ordenación e Innovación Educativa, Judith
Fernández, acompañada da subdirectora xeral de Atención á Saúde Mental do Servizo Galego de Saúde,
Almudena Díaz, inaugurou hoxe unha nova xornada
formativa de implementación do Programa YAM (Youth Aware of Mental Health) nos centros
educativos, na que participan expertos na materia como psicólogos clínicos,
orientadores e docentes.
Durante a inauguración, a
directora xeral destacou, coincidindo coa celebración mañá do Día mundial da
saúde mental, na importancia de velar polo benestar emocional no sistema
educativo, un eido no que a Xunta traballa de xeito integral a través de diferentes
propostas, como este programa.
Pola súa banda, a subdirectora xeral de Atención á Saúde Mental do
Servizo Galego de Saúde, Almudena Díaz, lembrou a importancia do recoñecemento
outorgado á Xunta polo proxecto YAM, elixido unha das 12 mellores iniciativas europeas pola promoción da saúde mental en
estudantes. A elección chegou tras obter uns resultados sobresaíntes na
avaliación de expertos e un forte apoio da votación pública. A propia
subdirectora xeral presentou a iniciativa esta semana no Foro de Innovación
Social 2026, organizado polo Centro Europeo de Competencia para a Innovación
Social, en Bruxelas.
O
Proxecto YAM é un programa de prevención do suicidio dirixido ao alumnado de 3º
de Educación Secundaria, recoñecido polas recomendacións da OMS e Save the
Children como o modelo de intervención máis eficaz. O seu obxectivo é
reducir as condutas suicidas e ampliar os recursos do Plan de Prevención do
Suicidio en Galicia.
Deste xeito, o Goberno galego segue a traballar na promoción da saúde mental na infancia e a prevención do suicidio na mocidade galega a través desta iniciativa colaborativa entre as Consellería de Sanidade e de Educación, Ciencia, Universidades e FP, que está cofinanciado pola Unión Europea a través do Programa FSE+ de Galicia 2021
Comentarios
Publicar un comentario